The six EKHC General Secretary – የኢትዮጵያ ቃለ ሕይወት ቤተ ክርስቲያን ስድስተኛ ዋና ጸሐፊ

የኢትዮጵያ ቃለ ሕይወት ቤተ ክርስቲያን ስድስተኛ ዋና ጸሐፊ በመሆን የተመረጡት ዶ/ር ስምዖን ሙላቱ እናስተዋውቃችሁ!
ዶ/ር ስምዖን ሙላቱ የኢትዮጵያ ቃለ ሕይወት ቤተ ክርስቲያን እንጋፋ አባት እና የቀድሞ ሊቀ መንበር የነበሩት አቶ ሙላቱ ታዬ (አቶ ሙላቱ የኢትዮጵያ ወንጌላውያን አብያተ ክርስቲያናት ኅብረት ዋና ጸሐፊ እንደነበሩም ያስታውሱዋል።) እና ለበርካታ አስርት ዓመታት በወንጌላዊነት ያገለገሉት ወ/ሮ ቀለሙዋ ልጅ ናቸው። ዶ/ር ስምዖን ከልብ ወዳጃቸውን የብዙ ዓመታት የአገልግሎት አጣማሪያቸው ዶ.ር ፍሬው ጋር በመሆን ለሥራ በሄዱበት ባሌ ጊንር ቃለ ሕይወት ቤተ ክርስቲያን፣ ባደጉባት የጌጃ ቃለ ሕይወት ቤተ ክርስቲያን እና አሁንም ድረስ በሚያገለግሉባት የመካኒሳ ቃለ ሕይወት ቤተ ክርስቲያን ሁለገብ የመሪነት እገልግሎት በማበርከት የእውነተኛ ደቀ መዝሙርነት ሕይወት አሳይተዋል።
ዶ/ር ስምዖን አሁንም የወንድም ያህል ከሚቀርቡዋቸው ዶ.ር ፍሬው ጋር በመሆን ከመንግስት ትምህርት ቤት የመምህርነት ሙያ በሚተርፋቸው ጊዜ የሚሰጡትን አገልግሎት ወደ የሙሉ ግዜ አገልግሎት ለመቀየርም አዲስ በተከፈተው የወንጌላዊያን ስነ መለኮት ኮሌጅ በግንባር ቀደምትነት የተማሩ ሲሆን ትምህርታቸውን ካጠናቀቁም በሁዋላም ለበርካታ ዓመታት በዚሁ የኢትዮጵያ ቃለ ሕይወት ቤተክርስቲያን ተቁዋም በመምህርነት እና በመሪነት አገልግለዋል።

ዶ/ር ስምዖን ሙላት ባለትዳር ሲሆኑ ከወ.ሮ መአዛ ሙላት ጋር በመሰረቱት ትዳር ወንድ ልጃቸውን ብሩክ ስምዖንን አፍርተዋል። /መዓዛ ሙላት የቅድሞው ጎምቱ የቃለ ሕይወት ቤተ ክርስቲያን ሊቀ መንበር እና ዋና ጸሐፊ ዶ.ር ሙላቱ ባፋ ልጅ ሲሆኑ ዶ.ር ሙላቱ ባፋ የኢትዮጵያ ቃለ ሕይወት ቤተ ክርስቲያን በእገር አቅፍ ደረጃ ጉልህ አስተዋጽዖ ያለው የልማት አገልግሎት እንዲኖራት ትልቅ ድርሻ የነበራቸው መሪ እንደሆኑ ይታወሳል።/
ዶ/ር ስምዖን የቤተ ክርስቲያኒቱ ዋና ጸሐፊ በመሆን ለማገልገል ዕጩ እንዲሆኑ ሲጠየቁ በተደጋጋሚ አሉታዊ ምላሽ ሲሰጡ የነበረ ቢሆንም በስተምጨረሻም ቤተክርስቲያኒቱ በእሁኑ ወቅት በምትገኝበትን ወሳኝ ምዕራፍ ይህንን ከባድ አደራ ለመቀበል ፈቃደኛ ሆነው በኩሪፍቱ በትካሄደው 58ኛ ጠቅላላ ጉባዔ ላይ ተመርጠው የአገልግሎት አደራውን ተረክበዋል።
የኢትዮጵያ ቃለ ሕይወት ቤተ ክርስቲያን አካላት የሆንን ሁላችንም በአሁኑ ወቅት ከ9850 በላይ አጥቢያ ቤተ ክርስቲያናትን በኢትዮጵያና በልዩ ልዩ ሃገራት የተከለችው ቤተ ክርስቲያንችንን በዋና ጸሐፊነት እንዲመሩ እግዚአብሔር የሰጠን መሪን እንደሚገባ ማገልገል እንዲችሉ በጸሎትና የየበኩላችንን ድርሻ በመወጣት ከጎናቸው እንድንቆም ለማሳሰብ እንወዳለን።


Fatal error: Uncaught wfWAFStorageFileException: Unable to save temporary file for atomic writing. in /home/ekhc/public_html/wp-content/plugins/wordfence/vendor/wordfence/wf-waf/src/lib/storage/file.php:35 Stack trace: #0 /home/ekhc/public_html/wp-content/plugins/wordfence/vendor/wordfence/wf-waf/src/lib/storage/file.php(659): wfWAFStorageFile::atomicFilePutContents('/home/ekhc/publ...', '<?php exit('Acc...') #1 [internal function]: wfWAFStorageFile->saveConfig('livewaf') #2 {main} thrown in /home/ekhc/public_html/wp-content/plugins/wordfence/vendor/wordfence/wf-waf/src/lib/storage/file.php on line 35